Ошо көндәрҙә баш ҡалала күптәр ер тетрәүен тойҙо. “112” ҡотҡарыу хеҙмәте хәбәр итеүенсә, Өфөнөң алты райо­нында ҙур булмаған сейсмоәүҙемлек теркәлгән.

Халыҡтан күп кенә мөрәжәғәт бул­ған. Уларҙа фатирҙағы люстра­ларҙың, һауыт-һабаның һелкенеүе хаҡында хәбәр итәләр. Бындай биналарға район граждандарҙы яҡлау идаралыҡта­ры­нан вәкилдәр ебәрелгән. Белгестәр би­лә­мәләрҙе ентекле тикшереп сыҡҡан.
Ҡотҡарыу хеҙмәтендә әйтеүҙәренсә, Башҡортостан сейсмик йәһәттән хә­үеф­ле төбәктәр иҫәбенә инмәй. Әлеге ваҡиғаға Пакистан менән Афған­стандағы ер тетрәү сәбәпселер тигән фараз бар.