Урындағылар битараф…27.10.2015
— Муниципаль власть Дөйөм Рәсәй халыҡ фронты төбәк бүлексәләренең мөрәжәғәттәрен йыш ҡына иғтибарһыҙ ҡалдыра, — тине фронттың Башҡортостандағы төбәк штабы рәйестәше Эльвира Айытҡолова Мәскәүҙәге ултырышта сығыш яһағанда.
Уның әйтеүенсә, урындарҙа көн тәртибен билдәләү – төбәк штабы эшмәкәрлегендә төп йүнәлештәрҙең береһе, һәм был йәһәттән республика ҡалаларындағы активистар ҙур ярҙам күрһәтә. Шул уҡ ваҡытта улар муниципаль власть вәкилдәренең баҫымынан азат түгел.
– Бер ерҙә йәшәгәнгә күрә фронт ағзаларына район йәки биләмә башлыҡтары менән тығыҙ бәйләнештә эшләргә тура килә. Урындарҙа әхлаҡи-психологик баҫымдың да ярайһы уҡ юғары булыуын билдәләргә кәрәк. Хәлде үҙгәртеү өсөн халыҡ фронтына активтың абруйын күтәреү, битараф булмаған кешеләрҙе эшкә йәлеп итеү зарур, — тине Эльвира Айытҡолова.