Республика Башлығы Рөстәм Хәмитовтың Силәбе өлкәһе губернаторы Борис Дубровский менән осрашыуында ике төбәк араһындағы эшлекле һәм мәҙәни хеҙмәттәшлекте нығытыу мәсьәләләре тикшерелде.

– Беҙ ҡул ҡуйған килешеүҙәргә яраш­лы эш алып барабыҙ. Бәйләнештәрҙе әүҙемләштереү, һөҙөмтәлерәк итеү яҡ­лы­быҙ. Берлектә тормошҡа ашы­рырға теләгән бер нисә проект та бар, – тине Рөстәм Зәки улы. – Силәбе өлкәһ­ендә төҙөлгән логистика үҙәге беҙгә лә ярҙам итә. Әле аҙыҡ-түлек йәһәтенән Ҡытай менән сауҙа итеү мөмкинлеген тикше­рәбеҙ. Был йәһәттән логистика үҙәгенең әһәмиәте тағы ла арта.
Башҡортостан Башлығы Силәбе өл­кә­һе губернаторына башҡорт диас­пораһына булышлыҡ иткәне өсөн рәх­мәт белдерҙе. Хеҙмәттәшлеккә кил­гән­дә, Борис Дубровский Башҡорт­остан делегацияһына Ҡытайҙа сауҙа парт­нерҙарын эҙләүгә йүнәлтелгән күсмә сессияла ҡатнашырға тәҡдим итте.