Ошо көндәрҙә Ҡариҙел районындағы кәңәшмәлә урман сәнәғәтселәре “Кроношпан” заводын сеймал менән тәьмин итеү мәсьәләһен тикшерҙе.

Урман бизнесы менән “Кроношпан”­дың үҙ-ара һөҙөмтәле эшмәкәрлеге хаҡында һүҙ барҙы, ғәмәлдәге ҡыйын­лыҡтарға, урманды файҙаланыу өлкә­һенә айырым иғтибар бирелде. Ком­панияның генераль директоры Ардашер Курбаншо ағас-юнысҡы плитә­ләр етештереү тураһында һөйләне, белгестәрҙең һорауҙарына яуап бирҙе.
“Лесэксперт” яуаплылығы сикләнгән йәмғиәте вәкиле иһә Урман попечителлек советы системаһы буйынса серти­фикатлауҙың әһәмиәте, уның төрҙәре, нигеҙҙәре хаҡында аңлатты. Фекер алышыу барышында киләсәккә маҡсат­тар билдәләнде, шулай уҡ “Кроношпан” компанияһы етәкселегенә һатып алынған ағас сеймалдың сығышына контроллек итеү бурысы йөкмәтелде.