Республикабыҙҙа һалымдың ябайлаштырылған һәм патент системаһын ҡулланған ҡайһы бер шәхси эшҡыуарҙар өсөн “каникул” иғлан ителә.

Финанс министры Рида Собхан­ҡо­лова әйтеүенсә, Башҡортостандың эшҡыуарҙар өсөн һалым ставкаһын ноль процент күләмендә билдәләү тураһындағы законына үҙгәрештәр индереү бындай ярҙамға мохтаж ойошмалар исемлеген тулыландырыу мөмкинлеген бирәсәк.
Закон проекты, етештереү, социаль һәм фән өлкәләренә өҫтәп, көнкүреш хеҙмәттәре тармағында ла тәүгә тер­кәл­гән эшҡыуарҙарға ставканы ноль про­цент кимәлендә билдәләүҙе күҙ уңын­да тота. Был норма патент систе­маһы буйынса йола, ерләү хеҙмәт­тә­ре­нә һәм мунсаларға, шулай уҡ ябай­лаш­тырылған система буйынса кер йыуыу (химик таҙартыу), сәс алыу (матурлыҡ салондары) предприятиеларына ҡағыла. “Һалым каникулы”на йәмғеһе 48 төрлө бизнес эшмәкәрлеге йәлеп ителәсәк.