Тыуған ауылым Иҫке Ҡаҙансы районыбыҙҙың иң матур ерендә урынлашҡан. Беҙҙә уңған, ҡунаҡсыл, киң күңелле башҡорттар йәшәй.

Ауылыбыҙ атамаһының килеп сығышы тураһында байтаҡ леген­да, риүәйәт бар. Шуларҙың бере­һенә күҙ һалғанда, бынан алты быуат элек кеше аяғы баҫмаған урынға ғаилә күсеп килә. Уларҙың Янбай, Ҡайпан, Ҡыйғаҙы һәм Ҡа­ҙансы тигән улдары була. Ата-әсә ауылға кинйә балаһының исемен бирә.
Бәғзе берәүҙәр башҡаса фаразлай. Уларҙың фекеренсә, бе­йектән ҡарағанда, ауыл соҡор эсендә ултыра кеүек, ҡаҙанға оҡшап тора.