Дәүләт Йыйылышы — Ҡоролтай депутаттары күп балалы ғаиләләргә айлыҡ пособиеға хоҡуҡты билдәләгәндә адреслылыҡ принцибын ғәмәлгә индерергә ниәтләй.

Күптән түгел закон сығарыусылар ошоға ҡағылышлы документтың проектын тикшерҙе. Ауыл ерендә йәшәгән, дүрт һәм унан күберәк бәлиғ булмаған балалы ғаиләләргә торлаҡ, коммуналь хеҙмәттәр өсөн түләүгә сығымдарҙы ҡаплау хоҡуғын да ошо нигеҙҙә билдә­ләргә тәҡдим ителә. Парла­мен­тарийҙар “Башҡортостан Республика­һында күп балалы ғаиләләргә дәүләт ярҙамы ту­ра­һында”ғы Законға үҙгәреш­тәр ин­де­реү проектын беренсе уҡыуҙа ҡа­ра­я­саҡ.
Республикабыҙҙа күп балалы ғаилә­ләр­гә 30-ға яҡын социаль ярҙам төрө күрһә­те­лә. Йыл һайын федераль һәм рес­публика ҡаҙнаһынан ошо маҡсатҡа һигеҙ миллиард һумдан ашыу аҡса бүленә.