Бөгөн баш ҡалала “Илһөйәрҙәр — беҙҙең арала! Илһөйәрҙәр — балаларға!” хәйриә акцияһы уҙғарыла. Сараны Рәсәй Геройҙар ассоциацияһы ярҙамы менән “Мин – патриот” төбәк йәмәғәт ойошмаһы, Башҡортостандың ҡатнаш хәрби көрәш федерацияһы үткәрә.

— Беҙҙең бурыс — илебеҙҙең, халҡыбыҙҙың үткәнен иҫтә тотоп, ошо йүнәлештә эш алып барыу. Фашизмды еңеп, ерҙә тыныслыҡты һаҡлап ҡалған, тылда Еңеүҙе яҡынайтҡан ҡаһарман­дарҙы оноторға хаҡыбыҙ юҡ. Был эш Бөйөк Еңеүҙең 70 йыллығы билдә­ләнгән мәлдә генә түгел, даими дауам итергә тейеш, — ти “Мин – патриот” ойошмаһы етәксеһе Руслан Зарипов.
Әлеге сарала һуғыш ветерандарына, тыл эшсәндәренә, һаулығы буйынса мөмкинлектәре сикләнгән, матди һәм әхлаҡи ауырлыҡ кисергән балаларға хәйриә ярҙамы һәм иғтибар күрһәтелә.