Өфөлә “Мостай уҡыуҙары” республика әҙәби ижад конкурсында ҡатнашыуға ғаризалар ҡабул ителә.

Сара Башҡортостандың халыҡ шағи­ры Мостай Кәримдең тыуған көнөнә һәм Әҙәбиәт йылына арнала. Әҙәби ижад ун көнлөгөндә уҡытыусылар, мәғариф учреждениелары уҡыусылары ҡатнаша ала. Конкурс номинацияларына видеодәрес (уҡытыусылар өсөн), “Яратҡан яҙыусым (шағирым)” видеояҙ­ма­лары, “Әҙәби Өфө” фотоконкурсы инә. Ижади эштәрҙе башҡорт һәм урыҫ телдәрендә тәҡдим итергә мөмкин. Кон­курсҡа материалдар 11—21 октябрҙә ҡабул ителә, улар 22—26-һында баһа­лана, 29 октябрҙә үткәреләсәк “түңәрәк өҫтәл”дә иһә сараға йомғаҡ яһала. Эш­тәрҙе “Бәйләнештә” социаль селтәрен­дәге http://vk.com/club103560356 махсус битенә һәм [email protected] электрон почтаһына ебәрергә мөмкин.