“Торлаҡ-коммуналь хужалыҡ хеҙмәттәренән ҡулланыусылар өсөн әлифба”ны хәҙер Башҡортостан халҡы ла файҙалана ала. Республиканың Торлаҡ һәм төҙөлөш күҙәтеүе буйынса дәүләт комитетында “Башҡортостан Республикаһының төбәк операторы” сайтына һылтанып, ошо турала хәбәр иттеләр.

“Әлифба торлаҡ хеҙмәттәренән оҫта фай­ҙа­ланыу, коммуналь тү­ләү­ҙәрҙе бушҡа са­рыф­ламау мөм­кинлеген бирә­сәк. Тармаҡтағы ҡат­марлы һорауҙар ябай тел ме­нән аңла­ты­ла, һүрәттәр менән би­ҙәлгән”, тиелә белде­реү­ҙә. Ҡул­лан­маны Рәсәйҙең Төҙөлөш ми­нистр­лығы, Торлаҡ-коммуналь ху­жа­лыҡты реформалауға бу­лыш­лыҡ итеү фонды, “Бер­ҙәм Рәсәй” партияһы һәм “Аҡыллы ҡулла­ныу­сы мәктәбе” федераль проекты белгестәре әҙерләгән.