Ҡала һәм райондарҙа уҙған ял көндәрендә ойошторолған ауыл хужалығы йәрминкәләрендә 32,3 миллион һумлыҡ продукция һатылған.

Сауҙа Бәләбәй, Белорет, Благовещен, Дәүләкән, Ишембай, Күмертау, Мәләүез, Октябрьский, Сибай, Туймазы ҡалала­рында, шулай уҡ Бөрйән, Благовар, Көйөргәҙе, Хәйбулла, Саҡмағош райондарында айырыу­са әүҙем барҙы.
Йәрминкәләрҙә 36,1 тонна бал, 251,2 тонна йә­шелсә, 777 тонна картуф һатылды. Картуфтың бер килограмы уртаса 13-25 һум, ки­шерҙеке — 15-30, кәбеҫтәнеке — 18-25, сө­гөл­дөрҙөкө — 15-30, һуған­ды­ҡы — 15-25, бал­ды­ҡы 250 – 400 һум тора ине. Һыйыр итен 250-350, сусҡа итен — 200-300, һарыҡ­тыҡын — 250-330, йылҡы итен — 240-350, ҡош итен 85-300 һумға һаттылар, — тип хәбәр итте беҙгә республиканың Ауыл хужалығы министрлығындағы матбуғат хеҙмәте етәксеһе Ләйсән Хәйретдинова.
Йәрминкәләрҙә 48 райондан ауыл хужа­лы­ғы етештереүселәре ҡатнашты. Төбәктәрҙә 1 528 сауҙа урыны булдырылды.
Л. ИҪӘНҒОЛОВА.