Башҡортостан Башлығы Рөстәм Хәмитов Республика йортонда Рәсәйҙең Спорт көрәше федерацияһы президенты Михаил Мамиашвили менән осрашты.

Билдәле спортсы республикабыҙға СССР-ҙың атҡаҙанған тренеры Владимир Бормандың иҫтәлегенә арнап Өфөлә уҙғарылған ХХХ асыҡ Бөтөн Рәсәй грек-рим көрәше турнирында ҡатнашыусыларға теләктәшлек белдереү өсөн килгән. Осрашыуҙа Башҡортостанда спорт көрәшен үҫтереү мөмкинлектәре, спортҡа булышлыҡ итеү, халыҡты сәләмәт тормошҡа йәлеп итеү мәсьәләләре тикшерелде. Михаил Мамиашвили республика Башлығына Өфөлә бер төр көрәш һарайын төҙөү проектын хуплағаны өсөн рәхмәт белдерҙе.