Башҡортостандың Үҙәк һайлау комиссияһы 20 йыллығын билдәләй. Иҫтәлекле дата айҡанлы уның исеменә Рәсәйҙең Үҙәк һайлау комиссияһы рәйесе Владимир Чуровтан ҡотлау килде.

Хатта былай тиелә: “Башҡортостандың 1995 йылда ойош­торолған Үҙәк һайлау комиссияһы республика билә­мәһендәге бөтөн кимәлдәге тауыш биреү кампа­нияларының сифатлы үтеүен тәьмин итә, илебеҙҙең һайлау системаһын үҫтереүгә тос өлөш индерә. Сараларҙың юғары ойоштороу кимәлен тәьмин итеүе һөҙөмтәһендә комиссия ҙур абруй яуланы”.
Рәсәй Үҙәк һайлау комиссияһы башлығының ҡотла­уында билдәләнеүенсә, республикала тауыш биреүҙе ойоштороу, һайлау ҡануниәтен камиллаштырыу, хоҡуҡи мәҙәниәтте күтәреү йәһәтенән бай тәжрибә тупланған.