Башҡортостандың Рәсәй Президенты ҡарамағындағы Тулы хоҡуҡлы вәкиллегендә Пакистан Ислам Республикаһы делегацияһы менән осрашыу үтте.

Пакистандың эшлекле даирәләре вәкилдәрен туплаған ҙур төркөм ике арала иҡтисади бәйләнеш булдырыу өсөн килгән. Делегация ағзалары шулай уҡ Башҡорт­остан менән хеҙмәттәшлек итеүгә лә ҙур ҡыҙыҡһыныу белдерә.
Ислам Республикаһының Рәсәйҙәге Илсеһе Заһир Аслан Джанджуа әйтеүенсә, ул Өфөләге ШОС һәм БРИКС илдәре башлыҡтары саммитына әҙерлек барышында Башҡортостанға өс тапҡыр килгән һәм республиканың халыҡ-ара сауҙа, инвестиция хеҙмәттәшлеге өлкәһендәге мөм­кинлектәрен үҙ күҙҙәре менән күреп ба­һа­лаған. Яҡтар ошо арала Башҡорт­остан менән Пакистан араһында бәйлә­нештәрҙе яйға һалыу йәһәтенән эште дауам итергә килеште.