Керемде арттырыу маҡсатында12.09.2015
Башҡортостанда бюджет керемдәрен арттырыуҙың яңы алымы ғәмәлгә индерелә.
Республиканың Финанс министрлығы ҡаҙнаның ирекле аҡсаһын ҡыҫҡа ваҡытҡа — ял йәки байрам көндәренә — банк депозитына урынлаштырыу тәртибен төҙөнө. Башҡортостан Хөкүмәтенең “Башҡортостан Республикаһы бюджеты аҡсаһын банк депозитына урынлаштырыу тураһында”ғы ҡарарына тейешле үҙгәрештәр индерелде.
Эш аҙнаһының һуңғы көнөндә аҡсаны депозитҡа индереү һәм ял йәки байрам көндәренән һуң тәүге эш көнөндә уны, шулай уҡ иҫәпләнгән проценттарҙы кире ҡайтарыу операцияһы овернайт тип атала. Башҡортостанда бындай алым тәүгә ҡулланыла. Ул ҡаҙна килемен арттырыу мөмкинлеген бирәсәк.