Республикабыҙҙағы ауыл мәктәптәре ҡарамағында тиҙҙән уҡырға барасаҡ балалар өсөн төркөмдәр асыла. Ошо көндәрҙә Благовещен районындағы Төрөшлө ауылында шул маҡсатта йыһазландырылған бина файҙаланыуға тапшырылды.

20 урынға иҫәпләнгән төркөм Ильина-Поляна ауы­лын­дағы урта дөйөм белем биреү мәктәбе филиалы нигеҙендә эшләйәсәк. Әле унда 17 бала йөрөргә әҙер. Район бюджетынан бүленгән аҡсаға бүлмәләр төҙөкләндерелгән, йыһаз һатып алынған, уйын майҙансыҡтары ойошторолған.