Йүнселдәргә ярҙамға28.08.2015
26 августа Башҡортостан Хөкүмәте республиканың Залог фондын булдырыу хаҡында положениены раҫланы. Был алым төбәк өсөн өҫтөнлөклө һәм әһәмиәтле инвестиция проекттарына ярҙам итеү мөмкинлеген бирәсәк.
Залог фонды бәләкәй һәм уртаса эшҡыуарлыҡ субъекттарының кредит ойошмалары һәм инвесторҙар алдындағы бурыстарын түләй алыуын гарантиялай. Был шәхси эшҡыуарҙарға һәм ойошмаларға үҙҙәренең бизнес-проекттарын ғәмәлгә ашырыу йәки үҫтереү маҡсатында кредит алыу шарттарын киңәйтә.
Ярҙамды кемгә бирергә мөмкин булыуын республика Хөкүмәте хәл итәсәк. Башҡортостандың Залог фондына индерелгән объекттарҙың яҡынса хаҡы — 10,6 миллиард һум. Артабан Фондтың активтарын арттырыу күҙаллана.