Уңған хужабикәләрҙең өҫтәле ҡыш уртаһында ла йәшелсәнән, төрлө емеш-еләктән әҙерләнгән тәмлекәстәрҙән һығылып тора. Йәйҙең генә түгел, көҙҙөң дә һәр минуты алтынға бәрәбәр: файҙалы, үҙенсәлекле салаттар, ҡайнатмалар эшләп өлгөр генә! Йәшелсә салатыИнгредиенттары: Болгар боросо – 1 кг, помидор – 1,5 кг, кәбеҫтә – 0,5 кг, тоҙ – 2 аш ҡалағы, башлы һуған – 0,5 кг, һеркә – 2 сәй ҡалағы, кишер – 0,5 кг, шәкәр – 1 стакан, үҫемлек майы – 1 йә 1,5 стакан.
Әҙерләү: Помидорҙы – эре итеп, болгар боросон – һалам кеүек, һуғанды ярым балдаҡҡа оҡшатып турайбыҙ. Кишерҙе эре ҡырғыс аша ҡырабыҙ, кәбеҫтәне турайбыҙ. Ошоларҙың барыһын бергә ҡушып, май, тоҙ, шәкәр өҫтәйбеҙ. 30 минут дауамында бешерәбеҙ һәм һуңында ғына һеркә һалабыҙ. Салатты эҫе көйөнсә генә стерилле банкаларға тултырып, яҡшы итеп ябып ҡуябыҙ.
Болгар
боросонан салатИнгредиенттары: Болгар боросо – 1 кг, кишер – 200 г, башлы һуған – 100 г, һыу – 0,5 литр, томат соусы – 0,5 литр, шәкәр – 50 г, тоҙ – 30 г, бешкән дөгө – 1 стакан.
Әҙерләү: Кишерҙе эре ҡырғыс аша үткәрәбеҙ. Һуғанды балдаҡ рәүешендә турап, майҙа ҡыҙҙырабыҙ. Боросто таҙартып, һалам кеүек итеп турайбыҙ. Ошоларҙы бергә ҡушып, бешереп, эҫе сағында уҡ банкаларға тултырып, ябабыҙ.
“Ералаш”
салатыИнгредиенттары: баклажан, башлы һуған, болгар боросо, помидор – һәр береһе 10, һарымһаҡ – 5 бүлем, 70 процентлы һеркә – 1 сәй ҡалағы, еҫһеҙ үҫемлек майы – 200 мл, тоҙ – 2 аш ҡалағы, шәкәр – 4 аш ҡалағы, әсе борос – 1-2 ҡуҙаҡ.
Әҙерләү: Баклажанды 1 см ҡалынлыҡта дүңгәләкләп ҡырҡабыҙ, тышын айырмайынса тоҙло һыуға һалып ҡайнатабыҙ, һуңынан һарҡытабыҙ. Болгар боросон – һалам, әсе борос менән һуғанды балдаҡ рәүешендә турайбыҙ. Һарымһаҡты иҙәбеҙ, помидорҙы ла ваҡлайбыҙ. Барыһын бергә ҡушып, май, шәкәр, тоҙ һалып, 40 минут дауамында бешерәбеҙ. Әҙер булырҙан 10 минут алда һеркә өҫтәйбеҙ. Банкаларға һалып, стерилизацияһыҙ ҙа ябырға мөмкин. Һуңынан 5-6 сәғәт ҡаплаулы урында тотабыҙ.
“Пикантный”
салатыИнгредиенттары: әсе алма – 0,5 кг, кишер – 2 кг, керән – 100-150 г. Тоҙлама өсөн 1 литр һыуға 3 аш ҡалағы шәкәр, 2 аш ҡалағы тоҙ кәрәк булыр.
Әҙерләү: Кишерҙе эре ҡырғыс аша үткәрәбеҙ, алманы һаламға оҡшатып йә эре итеп турайбыҙ, керәнде ит үткәргестә борабыҙ. Ошоларҙы бергә болғап, әҙер банкаларға һалабыҙ һәм өҫтәренә тоҙлама ҡоябыҙ. Стерилләгәс, нығытып ябабыҙ.