Бөйөк Ватан һуғышында ҡорбан булған ҡәҙерле һалдат!
Бөгөн беҙ иркен, яҡты мәк­тәп­тәрҙә белем алабыҙ. Илебеҙ алға бара, күгебеҙ тыныс. Ватаныбыҙ элеккеләй ҡеүәтле һәм көслө, уның менән һәр саҡ ғорурланабыҙ. Ба­рыһы өсөн дә һинең алда сикһеҙ бурыслыбыҙ.
Һалдат! Һәммәбеҙ ҙә – һинең тоҡомоң, балаларың. Әлеге яҡты тормош ғүмерең менән яуланған, изге ҡаныңда йыуылған. Шуның өсөн дә ул беҙгә ифрат ҡәҙерле. Һине һәр саҡ хәтерләйбеҙ. Салт аяҙ күктә яҡты хыялдарың сағыла ке­үек. Уларҙы тормошҡа ашырырға, исемеңә тап төшөрмәйенсә, матур йәшәргә тырышабыҙ.
Һин беҙҙең өсөн иң көслө, батыр кеше. Йөрәктәрҙә мәңге йәшәйә­сәк­һең. Һинең хаҡтағы яҡты иҫтәлекте киләсәк быуындарға аманат итеп ҡалдырыу – изге бурысыбыҙ. Ҙур рәхмәт һиңә, һалдат!