— Тәү сираттағы бурыстар иҫәбенә заманса туристик инфраструктураны киңәйтеү ҙә инә. Бының өсөн “2011—2018 йылдарҙа Рәсәйҙә эске һәм ситтән килгән туризмды үҫтереү” айырым маҡсатлы федераль программаһы мөмкинлектәрен файҙаланырға кәрәк. Әйткәндәй, ул дәүләт-шәхси партнерлыҡ шарттарында тормошҡа ашырыла. Ошоноң иҫәбенә ҡаҙнанан бүленгән бер һумға бюджеттан тыш сығанаҡтарҙан өс һум самаһы йәлеп ителә.