Ҡайҙа нисектер, әммә Сибайҙа ауырыусылар тиҙҙән кәмейәсәк. Ни өсөн тиһегеҙме? Сөнки уларға Таусылар проспектында урынлашҡан “Лекарь” дарыуханаһы янындағы “Доктор Айболит”ҡа мөрәжәғәт итеп тә сирҙән арынырға мөмкин. Табип һынын эшләүселәр әйтеүенсә, шәфҡәтле һәм тылсымлы ҡуллы доктор янында ултырып алыу төрлө ауырыуҙарҙан азат итер.
Медицина хеҙмәткәренең абруйын арттырыу, уның хеҙмәтенә ба­һаны, хөрмәтте көсәйтеү һәм рәхмәт йөҙөнән Сибай ҡалаһының юбилейына бағышлап эшләнгән был һәйкәл барыһының да кү­ңеленә хуш килде. Уның янына ултырып, табиптың шифалы ҡулдарын тотоп фотоға тө­шөү­се­ләр, Интернет селтәренән кү­ренеүенсә, көндән-көн арта. Тимәк, уның авторҙары Илнуз Ҡотоев менән Евгений Григорьев үҙ маҡсатына өлгәшкән, тип әйтергә була.