Ошо көндәрҙә Силәбе өлкәһенең Арғаяш районы үҙенең 85 йыллыҡ юбилейын билдәләне. Төбәк был ваҡиғаны ҙур уңыштар менән ҡаршылай: 500 урынлыҡ көрәш залы булған яңы спорт комплексы эшләй башланы, балалар баҡсалары ишеген асты, райондың күпселек ауылдарына газ үткәрелде.
Сара бик сағыу булды. Арғаяш ауылының үҙәк майҙанында Учалы филармонияһының “Урал-тау” фольклор ансамбле сығыш яһаны. Яңы өйләнгән йәш парҙарҙы “Йәштәр порталы” программаһында тәбрикләнеләр. Билдәле башҡорт батыры, “Рәсәйҙең иң көслө кешеһе” титулы эйәһе Эльбрус Ниғмәтуллин “Арғаяштың иң көслө кешеһе” ярышын үткәрҙе.