8 августан Административ хоҡуҡ боҙоуҙар тураһындағы кодексҡа үҙгәрештәр ғәмәлгә инде. Уға ярашлы, яҡында “Эвакуатор эшләй” тигән яҙыу булмаһа, автомобилде алып китеү тыйыла.

Был яҙыу “Туҡталыш тыйыла” тигән юл билдәһе эргәһенә ҡуйылырға тейеш. Әгәр тыйыусы билдә янында иҫкәртеүсе күрһәткес юҡ икән, эвакуациялау законһыҙ тип иҫәпләнә, һәм автоһәүәҫкәр суд аша килтерелгән зыянды ҡаплауҙы талап итеү хоҡуғына эйә.