“Башнефть” компанияһының 5 миллиард 18 миллион һум күләмендәге дивидендтары Башҡортостан бюджетының быйылғы сығымдарын өҫтәмә финанслауға йүнәлтеләсәк.

Башҡортостан Башлығы Рөстәм Хәмитов 24 июлдә ҡул ҡуйған был Указ республика­ның хоҡуҡи мәғлүмәт интернет-порталында баҫылды. Аҡса Рәсәй Президентының 2012 йылдың 7 майын­дағы указдарын тормошҡа ашырыуға, шул иҫәптән балалар баҡса­ларына сиратты бөтөрөү буйынса сараларға, инженер инфраструктураһын үҫтереүгә, социаль объекттар төҙөүгә һәм уларҙы рекон­струк­циялауға, иҡтисади-социаль өлкәнең мө­һим тармаҡтарына ярҙамға, республика бюджетының тигеҙләнешен тәьмин итеүгә йүнәлтеләсәк.