Республиканың Әбйәлил, Баймаҡ, Йылайыр һәм Хәйбулла райондарында ҡара сиңерткәнең күпләп таралыуы ауыл хужалығы культураларына ҙур зыян килтерә.

Ошо айҡанлы Башҡортостан Башлығы Рөстәм Хәмитов 21 июлдән 21 авгусҡа ҡәҙәр был төбәктәрҙә ғәҙәттән тыш хәл иғлан итте. Ауыл хужалығы министр­лығына хәүефле ҡоротҡостарға ҡаршы көрәш саралары планын булдырыу һәм быға тотонолған сығымды ҡаплатыу өсөн Рәсәйҙең Ауыл хужалығы министрлығына документтар ебәреү бурысы йөкмәтелде.