Башҡортостанда Шәйехзада Бабич исемендәге республика дәүләт йәштәр премияһына 27 эш тәҡдим ителде. Шуларҙың бише — әҙәбиәткә, икеһе — архитектураға, егермеһе сәнғәт өлкәһенә ҡағыла.

Сәнғәт һәм архитектура әҫәрҙәре тәҡдим ителгәнгә тиклем кәмендә бер йыл алдан башҡарылған һәм төҙөлгән, әҙәбиәт өлкәһен­дә­геләре матбуғатта баҫылып сыҡҡан, музыка, театр, һынлы сәнғәт, хореография, кино һәм телевидение әҫәрҙәре кон­церттарҙа, күргәҙмәләрҙә, премьераларҙа, радио һәм телевидение аша йәмәғәтселек хөкөмөнә сығарылған булырға тейеш.
Абруйлы вәкилдәр ингән баһалама комис­сияһы дәғүәселәр араһынан өс еңеүсене һайлап аласаҡ. Лауреаттар Республика кө­нөндә бүләкләнә. Премия күләме 150 мең һум тәшкил итә.