Башҡортостандың Үҙәк һайлау комиссияһы территориаль һайлау комиссиялары рәйестәре һәм сис­тема администраторҙары, муниципаль район секретарҙары менән республикала урындағы үҙидараның вәкиллекле органдары депутаттарын һайлау кампанияһы барышы хаҡында кәңәшмә үткәрҙе.

Сараны Комиссия рәйесе Хәйҙәр Вәлиев алып барҙы. Унда 13 сентябрҙәге берҙәм тауыш биреү көнөнә әҙерләнеүгә һәм уны уҙғарыуға бәйле мөһим проблемалар тикшерелде. Кандидаттарҙы тәҡдим итеү һәм тер­кәү, территориаль һайлау комиссияларын­да­ғы эш барышы, муниципаль кимәлдә кам­панияны финанслау, һайлауҙы мәғлүмәт менән тәьмин итеү кеүек мәсьәләләр ҡа­ралды. Ултырышта Үҙәк һайлау комиссияһы рәйесе урынбаҫары Наилә Алтынова менән Комиссия секретары Марина Долматова сығыш яһаны. Үҙәк студия менән бәйләнешкә Баҡалы һәм Көйөргәҙе райондары тер­ритори­аль һайлау комиссиялары рәйестәре Н. Павлов менән И. Мөхәмәтшин, Бишбүләк район Советы секретары А. Зарипов сыҡты.