Рәсәй Президенты Владимир Путин Башҡортостандың Милли халыҡ ҡоралдары оркестрының сығышын бик яратып ҡараған. Республикабыҙҙың төп ижади коллективы ШОС һәм БРИКС саммиттарының мәҙәни программаһында әүҙем ҡатнашҡайны.
Оркестрҙың матбуғат секретары Регина Латипова әйтеүенсә, Владимир Путин концерттан һуң оркестрҙың художество етәксеһе һәм дирижеры Рәмил Ғәйзуллиндың ҡулын ҡыҫып, сағыу сығыш яһаған өсөн коллективҡа ихлас рәхмәт белдергән. Оркестрҙың уйнауы башҡа илдәрҙең, атап әйткәндә, Ҡытай менән Бразилия президенттарының да күңеленә хуш килгән.
Саммиттарҙың мәҙәни программаһын әҙерләгәндә Милли халыҡ ҡоралдары оркестры төрлө халыҡтарҙың тиҫтәнән ашыу яңы әҫәрен өйрәнгән.