Башҡортостан Хөкүмәте халыҡтың айырым категориялары өсөн торлаҡ һәм коммуналь хеҙмәткә түләүгә субсидия биреү ваҡытын 2016 йылға тиклем оҙайтты.

Быйыл 1 ғинуарҙан 30 июнгә тиклем республикала ошо өлкәгә сығымдар стандарты күрһәткесе күп балалы һәм тулы булмаған ғаиләләр өсөн 20 проценттан 15-кә тиклем, яңғыҙ пенсионер­ҙарға 20-нән 18 процентҡа тиклем кәметел­гәйне. Субсидия алған башҡа кешеләргә был һан 20 процент кимәлендә ҡалды­рылды.
Быйыл ай һайын кәмендә 46 мең ғаиләгә субсидия түләнгән. Уның күләме 1 871,5 һум тәшкил иткән. Республика ҡаҙнаһынан ошондай социаль ярҙам сара­һына 30 миллион һумға яҡын аҡса бүленә.
Субсидияға ҡағылышлы мәғ­лү­мәтте Республика халыҡҡа социаль ярҙам үҙәгенең рәсми порталында табырға мөмкин.