Мәғлүм булыуынса, 1 июлдән коммуналь ресурстарға тарифтар күтәрелде.
Газ 7,5 процентҡа ҡиммәт­ләнде. Электр энергияһы — 8,5, йылылыҡ — уртаса 11,4, һыу бүлеү һәм һыу менән тәьмин итеү хеҙмәте 22 процентҡа артты. Июнь айы квитанцияһында бирелгән мәғлүмәткә яраш­лы, һалҡын һыуҙың кубометры 21 һум 16 тингә (1 ғинуарҙан 18,5 һум ине) барып баҫасаҡ, бүленгән һыуҙың кубометры 14,5 һум булһа, бынан ары 18,44 һум тәшкил итәсәк, йылылыҡ энергияһының гигакало­рияһы өсөн 1 774 һум 31 тин түләйәсәкбеҙ.
“Баштариф”та әйтеүҙәренсә, ресурс менән тәьмин итеүсе һәр ойошманың үҙ тарифы бар. Коммуналь хеҙмәт өсөн граждандар түләгән аҡсаның Рәсәй Хөкүмәте тарафынан билдәлән­гән индексы 17,6 процент тәшкил итә. Аныҡ коммуналь хеҙмәттең хаҡы түгел, ә улар өсөн дөйөм түләүҙең артыуы хаҡында һүҙ бара был осраҡта.