Ҡыҙылъяр ауылында, “Берҙәм Рәсәй”ҙең “Реаль эштәр” төбәк партия проектына ярашлы, граждандар йыйыны үтте. Ҡыҙылъяр, Тәжрибә хужалығы, Ҡомлокүл һәм Чернолес ауыл Советы халҡы үҙ теләктәрен белдерҙе.

Йыйылышта билдәләне­үенсә, ауыл ерен­дә хәл итәһе мәсьәләләр етерлек. Урта мәктәп бинаһының нигеҙен нығытырға, балалар баҡсаһында тәҙрәләрҙе яңыртырға, ауыл мәҙәниәт йорто­ноң тамаша залын йылы­тыр­ға, биләмәләр эргәһендәге сүплекте йыйыш­тырырға кәрәк. Урындағы халыҡ шулай иң әһәмиәтле мәсьәләләрҙе билдәләне. Берәү­ҙәр аҡсалата, икенселәре ҡул көсө менән ярҙам күрһәтергә вәғәҙә бирҙе.
– Бөтәһен дә яйға һалырға аҡса етмәүен барыбыҙ ҙа яҡшы аңлай. Шуға күрә һәр кемде борсоған иң мөһим һәм киҫкен пробле­ма­ларға иғтибарҙы йүнәлтергә тырыша­быҙ. Башҡа мәсьәләләрҙе киләһе йыл хәл итербеҙ, – тине “Берҙәм Рәсәй” партияһының Өфө районындағы бүлексәһе етәксеһе Светлана Шәмсетдинова.
Халыҡ йыйынында партияның төбәк баш­ҡарма комитеты, урын­дағы бүлексәһе, Өфө районы хакимиәте вәкилдәре, муниципаль һәм республика кимәлендәге депутаттар ҡатнашты.