Башҡортостан йәштәре “iВолга-2015” форумына 80-дән ашыу проект тәҡдим итте.


Волга буйы федераль окру­гындағы йәштәр форумы Һамар өлкәһендә уҙғарыла. Унда округ­тың төрлө төбәктәренән һәм ҡайһы бер сит илдәрҙән ике мең­дән ашыу, ә Башҡортостандан йөҙләп кеше ҡатнаша.
Республика Йәштәр сәйә­сәте һәм спорт министр­лығының төп консультанты Зөлфиә Сәмиғул­ли­на әйтеүенсә, 19 июндә проект­тарҙы теркәү башланды. Һәр кеше үҙ проектының асылын аңлатасаҡ. Иң ҙур баһа алған эштәр федераль этапҡа үтә.
Бынан тыш, быйылғы сарала йәмәғәт проекттары конкурсы ла ойошторола. Башҡорт­остан делегацияһы “PROСВЕТ” төбәк йәштәр суб­мәҙә­ниәте фестивален үткәреүҙе тәҡ­дим итә. Ул һәләтле, ижади йәштәрҙе берләш­тереү мөмкинлеген бирәсәк. Проектта иң күп тауыш йыйған төбәк еңеү яулаясаҡ. Еңгән осраҡта беҙҙекеләр ки­ләһе йыл, Волга буйы йәш­тәрен йыйып, Өфөлә фес­­тиваль үткәрергә ниәт­ләй.