19 июндә Башҡортостан Башлығы Рөстәм Хәмитов Санкт-Петербургта XIX Петербург халыҡ-ара иҡтисади форумы барышында Рәсәйҙең инновациялы төбәктәре ассоциацияһы ағзалары үткәргән дөйөм йыйылышта ҡатнашты.

Республика Башлығы яғыулыҡ-энергетика, агросәнәғәт комплекстары, финанс секторы, иҡтисадтың машиналар эшләү һәм башҡа тармаҡтары етәкселәре һәм милекселәре менән осрашты. Форумда Башҡортостан Хө­кү­мәте Рәсәйҙең технологик үҫеш фонды, “AVG Capital Partners” инвестиция компа­ния­һы һәм “X5 Retail Grоup” менән килешеүҙәр төҙөнө. “AVG Capital Partners” инвестиция ком­па­ния­һы менән хеҙмәттәшлек итеү һөҙөм­тәһендә республикала биологик тарҡалыусы пластик, органик кислота, шәкәрҙе алмаштырыусы, крахмал, елемсә һәм аҙыҡ өҫ­тә­мәләре етештереүсе комплекс ойош­тороласаҡ. “X5 Retail Grоup” менән килешеүгә ҡул ҡуйыу тәү сиратта урындағы етеш­те­реүселәрҙең продукцияһын ташыған пред­приятиеларҙы урынлаштырыу мөмкин­ле­ген биргән логистика үҙәген төҙөүгә май­ҙан һайлауҙы күҙ уңында тота.