“Иң яҡшы теләктәр менән!” Шулай тип аталды Башҡортостан мосолмандарының Диниә назараты менән “Рух” йәштәр хәрәкәте ойошмаһы үткәргән сағыу тамаша.

Концерт Өфөләге Ш. Хоҙай­бир­ҙин исемендәге 1-се республика балалар йорто тәрбиәләнеүселәренә ҙур бүләк булды. Унда башҡорт эстрадаһының йәш йырсылары ҡатнашты. Аҙаҡ йәштәр һәм балалар араһында “Беҙ – дуҫтар” тигән акция, уйындар ойошторолдо.
– Пәйғәмбәребеҙ Мөхәммәт ғә­ләй­һис-сәләм һәр ваҡыт етемдәр хаҡында хәстәрлек күргән, уларға күркәм мөнәсәбәттә булырға өйрәт­кән, – тине сығышында Диниә назараты рәйесе урынбаҫары Айнур Арыҫланов. – Мөфтиәт вәкилдәре ошо аманатҡа тоғро, етемдәрҙе иғтибарҙан ситтә ҡалдырмайбыҙ.
Сараны ойоштороусылар бала­ларға күстәнәс өләште, ә улары үҙ сиратында өлкән ағайҙарын футбол уйнарға саҡырҙы.