Әле баҡсала эшләрлек, урман-ҡырҙа иркенләп йөрөрлөк түгел – серәкәйҙәр маҙаға тейә. Өйҙә лә безелдәктәрҙән ҡотолоуы ҡыйын. Уларҙан нисек һаҡланырға?

l Йөҙәр грамм кам­фо­ра майын һәм валериана үләне дарыуын төрлө урынға тамыҙып сығығыҙ. Был ысул хатта ҙур май­ҙанда ла серәкәй һәм себендән ҡотолорға ярҙам итә.
l Муйыл йә миләш япрағын ваҡлап турап, тәнгә ышҡығанда, бер серәкәй ҙә яҡын килмәйәсәк.
l Әнис, эвкалипт, ҡәнәфер, эрбет майҙары ла шулай уҡ тәьҫир итә.
l Тәбиғәттә иһә утҡа ташланған артыш ботаҡтары серәкәйҙе ҡурҡытыр.
l Битте әрем төнәтмәһе менән йыуғанда, бөжәктәр һеҙҙе урап уҙыр.