Башҡортостан Башлығы Рөстәм Хәмитов Иҫке Балтас ауылында һабантуйҙа ҡатнашты һәм халыҡты Рәсәй көнө, райондың 85 йыллығы, яҙғы баҫыу эштәренең тамамланыуы менән ҡотланы, алдынғы эшсәндәргә — наградалар, йәштәргә Рәсәй Федерацияһы гражданы паспорттары тапшырҙы.

— Беҙ бөйөк илдә, гүзәл республикала, һоҡ­лан­ғыс төбәктә йәшәйбеҙ. Тыуған иле­беҙҙең ҡеүәтле, күркәм дәүләткә әүерелеүен, бала­ларыбыҙға лайыҡлы киләсәк теләйбеҙ. Шуға күрә тормошто яҡшы яҡҡа үҙгәртеү өсөн мөмкин булғандың барыһын да эшлә­йә­сәкбеҙ. Ватаныбыҙҙың ныҡлы терәге булған тырыш эшсәндәргә рәхмәт һүҙҙәрен еткерәм. Бергәләп яҡшы һөҙөмтәләргә өлгәшербеҙ, тип ышанам, — тине Рөстәм Хәмитов.
Һабантуй башланыр алдынан төбәк етәк­сеһе ауыл хужалығы предприя­тиеларының тирмәләрен ҡарап сыҡты. Ижади кол­лективтарҙың сығышы, төрлө спорт ярыштары, район алдынғыларының парады барыһының да күңеленә хуш килде.
Бүләкләнгәндәрҙең исемлеге һәм республика етәксеһенең сығышы Башҡортостан Башлығының рәсми сайтында баҫыла.