Дәүләт Йыйылышы — Ҡоролтай Рәйесе Константин Толкачев төбәк етәксеһе Рөстәм Хәмитовтың Инвес­тиция Мөрәжәғәтнамәһенә аңлатма бирҙе.


– Республика Башлығы иҡтисадтың өҫтөн­лөклө йүнәлештәрен һәм төп үҫеш нөктәлә­рен үҙ ваҡытында һәм аныҡ билдәләне. Мөрәжәғәтнамә үҙе үк инвестиция йәлеп итеү мәсьәләләренә мөһим иғтибар бирелеүе хаҡында һөйләй. Эш ябай түгел. Унда бик күп ведомстволар һәм предприятиелар йәлеп ителгән, — тине Константин Толкачев.
Уның әйтеүенсә, республика иҡтисадының то­тороҡло үҫеше инвестиция шарттарына бәйле.
– Үҙ ваҡытында беҙ төрлө льготалар һәм таш­ламалар биреү буйынса ҡануниәт өлкә­һен­дә етди эш башҡарҙыҡ. Әммә, төбәк Баш­лығы әйтеүенсә, артабан да алға барырға, ҡа­нуниәт биргән мөмкинлектәрҙе ғәмәли йөк­мәтке менән һуғарырға кәрәк. Инвестиция проекттарын тормошҡа ашырыуға булышлыҡ итеү шарт, – тине Константин Толкачев. – Рес­публикабыҙ ресурстарға бай. Ошоға ни­геҙ­ләнеп, эш әүҙемлеген арт­тырыу йәһәтенән эске мөмкинлектәрҙе тупларға кәрәк.