Мәскәүҙә Башҡортостан Башлығы Рөстәм Хәмитов “Ямал —Волга буйы” магистраль продукттар үткәргесен төҙөү проектын тормошҡа ашырыуға әҙерлек мәсьәләләренә арналған кәңәшмәлә ҡатнашты.

Рәсәй Президентының Волга буйы федераль округындағы тулы хоҡуҡлы вәкиле Михаил Бабич үткәргән сарала Татарстан Рес­публикаһы Президенты вазифаһын ва­ҡытлыса башҡарыусы Рөстәм Миң­ле­ханов, Ямал-Ненец автономиялы округы губернаторы вазифаһын ваҡытлыса баш­ҡарыусы Дмит­рий Кобылкин, Рәсәйҙең энергетика министры урынбаҫары Кирилл Молодцов, илдең файҙалы ҡаҙылмалар сы­ғарыу һәм эшкәртеү компаниялары вәкилдәре, “Ямал — Волга буйы” асыҡ акционерҙар йәмғиәте консорциумы етәк­селеге ҡатнашты. Кәңәшмәлә проекттың әлеге статусы, шулай уҡ уны артабан тормошҡа ашырыуҙың мөмкинлектәре тикшерелде.
Дөйөм алғанда, проектта ҡатнашҡан тө­бәк­тәрҙең етәкселәре Волга буйы федераль округында сеймалды күләмле эшкәртеүҙең дәүләт өсөн мөһим тармаҡ-ара бурыстарҙың береһе булып тороуын билдәләне. “Ямал — Волга буйы” магистраль продукттар үткәр­гесен төҙөү проекты әлегә файҙаланылмаған сеймалды үҙләштереүгә йүнәлтелә.