Был айҙа Рәсәй көнөн байрам итеүгә, шулай уҡ 13, 14 июндәге ял көндәренә бәйле Башҡортостанда пенсияны һәм башҡа социаль түләүҙәрҙе таратыу махсус график буйынса ойошторола.
“Рәсәй почтаһы” аша хеҙмәтләндерелгән пенсионерҙарға аҡсаны тапшырыуҙың аныҡ ваҡыты майҙағы квитанцияларҙа билдәләнде. Пенсия ведомствоһында әйтеүҙәренсә, 10 – 14 июндә хеҙмәтлән­дерелергә тейешле кешеләргә аҡса бер аҙ иртәрәк таратыласаҡ. Кредит ойошмаларына түләүҙәр бер көн алдан, йәғни 11 июндә, күсерелә.