Республикала баҫыу эштәре йән­ле бара. Балтас, Дүртөйлө, Краснокама, Миәкә, Тәтешле, Шаран райондары иген, ҡуҙаҡлы культуралар сәсеүҙе тамамланы. Әлегә барлыҡ майҙандың 86 процентында орлоҡ бураҙнаға һалынған.

Шәкәр сөгөлдөрөн сәсеү ун районда тамамланған. Бөгөн 47250 гектар ерҙе “татлы тамыр” биләй. Ә көнбағыш 191673 гектарҙа сәселгән (91 процент). Дәүләкәндәр планды 39 процентҡа арттырып үтәгән.
Йәшелсә ултыртыу әле лә ҡыҙа. Был эш әлеге көнгә 909,9 гектар майҙанда баш­ҡарылған (планға ҡарата 66 процент). Ун биш район эште теүәлләгән дә инде. Картуф 2066 гектар (61,5 процент) ерҙә ултыртылған. Барыһы ун туғыҙ район “икенсе икмәк”те сәсеп бөткән.