Дөйөм Рәсәй халыҡ фронтының Башҡортостандағы төбәк штабы Instagram социаль селтәрендә республика халҡынан дауаханала һәм мәктәптә нисек ашатыуҙы сағылдырған фотолар йыя.

Һүрәттәргә анализ яһау социаль ойошмаларҙағы туҡланыу селтәрен яңыртыу мөмкинлеген бирәсәк.
– Былтыр республикала ошо маҡсатҡа ҡаҙнанан һәм бюджеттан тыш сығанаҡтарҙан 4,5 миллиард һумдан ашыу аҡса бүленгән, — тине төбәк штабы рәйестәше Эльвира Айытҡолова.
Депутаттың фекеренсә, социаль өлкәгә дәүләт йылдан-йыл күберәк аҡса йүнәлтә, ә халыҡтың фекеренән күренеүенсә, был хеҙмәттәрҙең сифатынан ҡәнәғәт булғандар кәмегәндән-кәмей бара. Дауаханала һәм мәктәптә туҡланыу системаһын тәртипкә килтереү еңел түгел, әммә быны эшләргә мөмкин.
– Беҙгә йәмәғәтселектең ярҙамы, ошо хеҙмәттәрҙе ҡулланыусыларҙың әүҙемлеге кәрәк, — тине Эльвира Айытҡолова. Instagram селтәренә дауаханала туҡланыу тураһындағы фотоларҙы — #едабольницаРБ, мәктәптекен #едашколыРБ тигән билдә менән ебәрергә. Дөйөм Рәсәй халыҡ фронтының Башҡортостандағы төбәк штабының Интернеттағы рәсми бите — onf_rb.