Хөкүмәт йортонда Инвестиция йәлеп итеү шарттарын яҡшыртыу буйынса йәмәғәтселек советының ултырышы булды.

Республика Башлығы Рөстәм Хәмитов төбәктәге инвестиция сәйәсәтенә ҡыҫҡаса баһа бирҙе.
– Шуныһы һөйөнөслө: күрһәткестәр дүр­тенсе йыл инде яҡшыра бара, – тип башланы ул сығышын. – Был йылдарҙа төп капиталға инвестициялар күләме артты. Былтырғы ошо осор менән сағыштырғанда, ағымдағы йыл­дың тәүге кварталына үҫеш туғыҙ процент тәшкил итә. Төп өлөш эшкәртеү, транспорт һәм элемтә комплексына, файҙалы ҡаҙыл­малар сығарыу тармағына тура килә.
Артабан Рөстәм Зәки улы һөҙөмтәләр менән генә ҡәнәғәтләнеп ҡалмаҫҡа, был йү­нә­лештә эште көсәйтергә кәрәклеген бел­дерҙе.
Республика Башлығы бөгөн төбәктәге дәү­ләт-шәхси партнерлыҡ мөнәсәбәттәре үҫеше хаҡында бәйән итте. Ошо юҫыҡта Баш­ҡортостан Рәсәй төбәктәре араһында 11-се урынды биләй. Был, әлбиттә, ошо осорҙа беҙҙә дәүләт-шәх­си партнерлыҡ үҫешенең камиллашыуына, уның хоҡуҡи базаһы, финанс ярҙамы булыуына бәйле.
Ултырышта шулай уҡ мәғариф өлкәһендә дәүләт-шәхси партнерлыҡ хаҡында сығыш тыңланды, тәҡдимдәр индерелде.