Ошо көндәрҙә Учалы филармонияһы ҡарамағындағы “Алтынай” бейеү ансамбле Санкт-Петербург ҡалаһынан ҙур еңеү менән ҡайтты. Был хаҡта коллективтың етәксеһе Фәнилә Ғәббәс ҡыҙы КӘБИРОВА һөйләй:

– Санкт-Петербургка мауыҡтырғыс сә­фәр – быйыл Өфөлә ойошторолған бейеү конкурсында еңеү һөҙөмтәһе. Илебеҙҙең төньяҡ баш ҡалаһындағы “На крыльях таланта” халыҡ-ара фестивалендә ҡатна­шып, I урын яулауыбыҙ иһә һәр йәһәттән дә үҫешкә көслө йоғонто яһаны. Балаларҙың нисек ҡыуан­ғанын күрһәгеҙ икән! Унда “Башҡорт­остан ынйылары” һәм “Русский казачий” бе­йеү­ҙәрен тамашасы­ларға күрһәттек. Ғөмү­мән, беҙҙә 70-кә яҡын ҡыҙ һәм малай шөғөлләнә, ә Санкт-Пе­тербургка 22-һе бар­ҙы. Ансамблде ирем Азат Буранбаев менән етәкләйбеҙ. Фес­ти­валдә 300-ҙән ашыу коллектив ҡат­нашты, бейеү генә түгел, йыр ан­сам­бл­дә­ре лә булды. Артабан инде йәйгеһен Абхазияла уҙасаҡ фестивалгә саҡырыу алдыҡ.