20 майҙа көслө ямғыр һөҙөмтәһендә Октябрьский ҡалаһы урамдары бер нисә сәғәт эсендә һыу аҫтында ҡалды. Ҡаза транспорт хәрәкәтен туҡтатты, ихаталарҙы һыу баҫты.

Урындағы халыҡ әйтеүенсә, ҡалала ямғыр көндөҙгө сәғәт 12-лә башланған һәм киске 6-ға тиерлек дауам иткән.
– Ямғыр биш сәғәт буйы күнәктән ҡойғандай яуҙы. Һыу йылға булып аҡты. Үҙәк урам, машиналар күмелеп ҡалды. Өҫтәүенә борсаҡ та яуҙы, — ти кешеләр.
Ҡалалағы коммуналь хеҙмәттәрҙең йылдам эш итеүе һөҙөмтәһендә стихия етди зыян килтермәне.