Башҡортостандың ирекле халыҡ дружиналары әүҙемселәре физик ҡағылғыһыҙлыҡҡа өҫтәмә гарантия аласаҡ. Тейешле закон проектын Дәүләт Йыйылышы — Ҡоролтай депутаттары 28 майға тәғәйенләнгән пленар ултырышта ҡараясаҡ.

– Беҙгә граждандарҙы үҙ теләк­тәре менән йәмәғәт тәр­тибен һаҡ­лауҙа ҡатнашыуға йәлеп итеү за­рур. Бының өсөн әле өҫтәмә гарантиялар исемлеге барлана, шул иҫәптән физик ҡағыл­ғыһыҙлыҡ, дружина эшендә ҡатнашыр­ға теләк белдер­гәндәргә финанс ярҙам ҡа­раласаҡ, – ти Дәүләт Йыйылышы – Ҡоролтай Рәйесе Константин Толкачев.
Республика парламенты спикеры билдә­ләүенсә, әлеге закон проекты ярайһы яҡшы әҙерләнгән. Баш­лан­ғыс халыҡ тарафынан яҡлау табыр тигән ышаныста ул.
“Башҡортостан Республикаһында халыҡ дружинала­ры тураһында”ғы закон проекты өҫ­төн­дә эш “Йәмәғәт тәртибен һаҡлауҙа граждандарҙың ҡат­нашыуы ту­раһында”ғы Федераль за­конға ярашлы тормошҡа ашырыла. Документ Республика халыҡ дружиналары штабын ойош­то­роуҙы күҙ уңында тота.
Республика парламенты президиумы­ның май аҙағында үтәсәк ултырышында шулай уҡ пассажир транспортына, ха­лыҡ­ты социаль хеҙмәтлән­дереүгә ҡағылышлы закон проекттары ла өйрәнеләсәк.