Дәүләт Думаһы торлаҡ төҙөүгә йәки һатып алыуға кредит аҡсаһы кәрәккәндә тәүге иғәнәне түләүгә әсәлек капиталын файҙаланыу мөмкинлеген биргән закон проектын хупланы. Уның буйынса капиталды баланың өс йәше тулғанын көтмәйенсә лә тотонорға мөмкин.
Ғәмәлдәге законға ярашлы, кредит йәки заем буйынса тәүге иғәнәгә әсәлек капиталын балаға өс йәш тулғас ҡына файҙа­ланырға рөхсәт ителә ине. Ә торлаҡ шарттарын яҡшыртыуға мохтаждар бик күп. Биш йыл эсендә капиталды тотоноу тура­һында ғариза менән өс миллиондан ашыу ғаилә мөрәжәғәт иткән. Шуларҙың 1,89 мил­лионы уны торлаҡ буйынса кредитты йәки заемды түләүгә тотонған.
Федерация Советы тарафынан хуплан­ғандан һуң, проектҡа Рәсәй Президенты ҡул ҡуйырға тейеш.