Республика йортонда Башҡортостан Башлығы Рөстәм Хәмитов Рәсәй Президентының 2012 йылдың
7 майындағы 596-606-сы указдарының үтәлеше буйынса кәңәшмә үткәрҙе. Унда республика Хөкүмәте ағзалары һәм Дөйөм Рәсәй халыҡ фронты вәкилдәре ҡатнашты.

Рөстәм Хәмитов әйтеүенсә, Башҡорт­остан Хөкүмәте өсөн был указдарҙың үтәлеше төп өҫтөнлөктәр иҫәбенә инә. Һәр йүнәлеш буйынса күләмле эш башҡарыла.
– Һуңғы өс йылдағы эш йомғаҡтарын баһалаһаҡ, указдарҙың төп положениелары дөйөм алғанда үтәлде, — тине төбәк етәк­сеһе. — Әлбиттә, Хөкүмәттән әүҙемлек талап иткән айырым йүнәлештәр ҙә юҡ түгел. Әммә төп мәсьәләләр буйынса Рә­сәй Хөкүмәте Башҡортостанда башҡарыл­ған эшкә ыңғай баһа бирә. Был уҡы­тыу­сыларҙың, табиптарҙың, социаль өлкә хеҙмәткәрҙәренең эш хаҡын арт­тырыуға, торлаҡ-коммуналь хужалыҡтағы, төҙөлөш тармағындағы ыңғай үҙгәрештәргә ҡағыла.