Республика йортонда Башҡортостан Башлығы Рөстәм Хәмитов Ҡытайҙың транспорт министры Ян Чуаньтан менән осрашты.

Төбәк етәксеһе ҡунаҡты республика, уның сәнәғәт ҡеүәте менән таныштырып, нефть сығарыу, эшкәртеү, нефть химияһы һәм химия, ауыл хужалығы кеүек тар­маҡ­тарҙың үҫеш алыуын, автомобиль юлдары төҙөүҙе, яңыртыуҙы айырып билдәләне.
Осрашыуҙа һуңғы бер нисә йылда Баш­ҡортостан менән Ҡытай төбәктәре араһындағы мөнәсәбәттәрҙең әүҙем үҫеүе телгә алын­ды. Әле бер нисә килешеүгә ҡул ҡуйылған, инвестиция проекттары тормошҡа ашы­рыуға әҙерләнә. Рөстәм Хәмитов Ҡытай менән туранан-тура авиация бәйләнеше­нең булмауына зарланды, был эштең киләсәктә мотлаҡ башҡарылыуына өмөт белдерҙе.
Ян Чуаньтан, үҙ сиратында, Ҡытай ме­нән Рәсәй араһында, шул иҫәптән Баш­ҡорт­остан менән Ҡытай провинциялары араһында ла хеҙмәттәшлек тармаҡтары­ның күплеген, транспорт өлкәһендәге бәйләнештәрҙең киләсәге айырыуса ҙур булыуын билдәләне.
Осрашыу хаҡындағы тулы мәғлүмәт менән Башҡортостан Башлығының рәсми сайтында танышырға мөмкин.