Башҡортостанда “Һалым түләмәүселәр хаҡында һөйлә” мәғлүмәт-агитация кампанияһы дауам итә.

Сараның маҡсаты — һалым түләмәү осраҡтарына халыҡтың мөнәсәбәтен үҙгәртеү, ҡаҙнаға керемдәрҙе арттырыу, һалым ҡануниәтенең үтәлешен тәьмин итеү. Федераль һалым хеҙмәтенең Башҡортостан идаралы­ғында билдәләүҙәренсә, әле аноним мәғлүмәт йыйыу системаһы ойошторолған. Ул һалым түләүселәргә юридик һәм физик берәмектәрҙең һалым өлкәһендәге законһыҙ ғәмәлдәре хаҡында хәбәр итеү мөмкинлеген бирә.
Тәү сиратта һалым түләүҙән тайпылыу, ойош­маның активтарын боҙоп күрһәтеү, ялған килешеүҙәр, эш ха­ҡын “конвертта” биреү, бер көнлөк фирмаларҙы фай­ҙа­ланыу, средстволарҙы ҡулаҡсаға әйләндереү, иҫәп-хи­сап алып бармау хаҡындағы мәғлүмәттәр тура­һында хәбәр итергә кәрәк. Улар нигеҙендә иғтибарға алынырға тейешле тотош мәғлүмәт базаһы төҙөлә. Федераль һалым хеҙмәте уны үҙенең эшендә йылдам файҙалана. Бынан тыш, мәғлүмәтте һалым хеҙмәтенең http://www.nalog.ru/rn02/ рәсми сайтына һәм “Һалым түләмәү хаҡында хәбәр ит” электрон сервисына, 8 (347) 229-70-07 телефоны аша һалым хеҙмәте бүлексәһенә ебәрергә мөмкин.