Башҡортостандың Хеҙмәт һәм халыҡты социаль яҡлау министрлығында закон сығарыу һәм башҡарма власть, йәмәғәтселек вәкилдәре өр-яңы дөйөм Рәсәй байрамын — Атай көнөн булдырыу мәсьәләһен тикшерҙе.

Дәүләт Думаһы депутаттарының Рәсәй­ҙә ғаилә институтын нығытыуҙа атайҙың әһә­миә­тен таныуға бәйле дата булдырыу тура­һындағы башланғысы әле төбәктәрҙә йәмәғәт тыңлауҙарын үтә. Атай көнөн июн­дең өсөнсө йәкшәмбеһендә – донъяның күп кенә илдә­рендә ғаилә башлығын тәб­рикләгән көндә йәки ноябрҙең һуңғы йәк­шәмбеһендә – Рә­сәйҙәге Әсә көнөндә йә иһә октябрҙең һуңғы йәкшәмбеһендә – хәр­би-тарихи даталар, Ватанды һаҡ­лау­сы­лар кө­нө бил­дә­лән­гән­дә байрам итеү тәҡдиме индерелде.
Әле республикала 39 муниципалитетта Атайҙар советы ойош­торолған. Өсөн­сө йыл рәттән төбәк атайҙар байрамы уҙ­ғарыла. Дәүләт кимә­лендә Атай көнөн булдырыу йәмғиәтебеҙҙә ғаилә институтын нығытыуға, көслө заттың статусын күтәреүгә булышлыҡ итәсәк.